Aan die einde van 2016 is die naam van ons sinode verander van Sinode Wes-Transvaal na Sinode Goudland. Dit vorm alles deel van ‘n nuwe hoofstuk van ons sinode se geskiedenis waarin die fokus op twee missionale voetspore val, naamlik Missionale Kerkwees (gefokus op bedieninge na binne) en Missionale Diakonaat (gerig op bedieninge na buite).

Ons missie is om in God se liefde luisterende missionale gemeentes in God se wêreld te wees.

Die sinode Goudland strek oor Gauteng- en Noordwes-provinsies; van Nietverdiend en Zeerust in die Noordweste tot by Christiana in die Suidweste, van Roodepoort in die Noordooste tot Vanderbijlpark in die Suidooste.

Daar is 16 ringe in die sinode en 130 gemeentes, met interessante name soos onder andere Coram Deo, Rant en Dal Prisma, Kerk tussen die Mielielande, Lux Deo, PUK-Kandelaar en Veranderde Lewens. Saam vorm ons een groot familie wat iets van God se liefde met egtheid en omgee in die wêreld wil uitleef.

KLIK HIER VIR GOUDLANDJEUG

HULPFONDS VIR ONS BOERE: BRANDSKADE

Die Dagbestuur van die SBK van Goudland Sinode het op 12 September 2023 vergader en dit goed gedink om 'n Noodfonds vir ons Sinode in die lewe te roep.

Almal van ons is bewus van die verwoestende brande wat in ons sinodale gebied gewoed het en steeds opvlam. Amalia en Schweizer-Reneke omgewing het geweldig skade gelei aan weiding en heelwat diere is verloor.

Ons dank die Here dat daar geen lewensverlies was nie.

Die plan is om te help sover as wat dit vir ons moontlik is.

Ons het reeds met NWK en Voermol onderhandel vir die aankoop van lekke en ander produkte teen 'n spesiale prys.

Ons vra asseblief ook u voorbidding vir die boere wat geraak is en wat letterlik met hul hande in die hare sit.

As dit binne u of u gemeente se vermoë is, en u voel om 'n bydrae te lewer kan u, u bydrae in ons sinodale rekening betaal, geoormerk Noodfonds.

ABSA
NGK Sinode Goudland
Takkode 632005
Tjekrekening
1420 1467 08

Verwysing: Noodfonds

Ons vertrou dat u hierdie versoek gunstig sal oorweeg.
Ons bid u gemeente die seën van die Here toe.

Seënwense

Dr Grant du Plessis namens die SBK Dagbestuur

Uitvoerende Amptenaar:
Ds A (Anton) Mieny,
Tel: 083 654 0806,
e-pos: [email protected]

Die volgende getuienisaksies is inisiatiewe en projekte waarby talle sinodes in die NG Kerk werksaam is:

Afrika Ekumene
Arbeidsbediening
Ekologie (Projekspan)
Gemeentegetuienis
Publieke Getuienis